نَرمیشم جدا کنیت بدین تفنگی
اسبم نگه کنیت سی روز تنگی
صدایی زِ دیر ایا صدای بَنگی
هیاری جمع وا بیتون کُرل جنگی
پام ملکی زیه وا بیه بی زخم
روبرو گل وابیم سی مو کِرده اَخم
گر وابو زونیم پلیش سی کس نیبوم خَم
گل بیو مِلَم بکن هر دوتا زخم
" />خوشه چین خاصِ خوتِم مِن کمند داست
چپ راس دلمه ایزنی مه نیسی حواست
کوچ کرده مال دلم رَهته غریبی
تیه کال لو ملوسی دایش فریبی
" />
تش نهان صحری باشت تا هد مازه
تش گرو دار بلی کوگ ایزه غازه
تش رسی و بایومل کُر ایزه گاله
دار بلی سوهته بی وش نمونده تاله
" />
زمسون سر اومه بهاری وپاشه
دلو برف زیه خومی وباشه.
صیادم زمینگیر سنگی وجاشه
تاگَلَ غری گروُ الورز همساشه
صِدای و دیر ایاه صِدی کلاشه
تیله شیر زخمیه گَله وقاشه
برد شیری جاشه می شیر زنده
دلو برف زیه پر نیزنه پرنده
تقدیم ب روان پاک میرشکال
باوی مرحوم ملا کرامت حسنی گوهرگان🖤🌹
سر نزه افتو خشی تا شو بمیره
شوپرک گاله ایزنه بلبل اسیره
ایخونه شوک نری شو تار تاره
بارون خشی زیه کوه لاله زاره
گپیگپو ایخونه مال سرباره
کُر چپون ودینشو هی دار وداره
زمسون خشی اومیه ایگون بهاره
حیف ک مردل خوبو مُردن مال بی براره
سراینده اشعار (ایمان صادقی)
تقدیم به شیر مردان قوم لر🌹✌
همه دردم همه درمون دردُم
بیوتا سیت بگوم وی رنگ زردُم
بیو ک خردمه تیرکاری دندو دندُم
مثال کرُوکشی خسی زمندُم
چند کلومی وخوت بگو یار پل بلندُم
کوچنی چیکنی گل روخ قشنگُم
درد دل سیت ایکنم گل بی بخارُم
کر ولال وابیی مو تهلخارُم
درد دیریت کشتمه بی پر بالُم
چی کوگ شاهین زیه من دس یارُم
شوک پیر شکر ایکنه کُرسرکار
کدخدای ایل بگیت مالَ کنه بار
تَش تُنگی گل زیه بی هیمه دار
گپیگپو آوو پیوم سی کُر حیون دار
بهونَ جمع بکن بل سایه ی دار
تفنگل روشمیز زیه کُر بی بخارِه
فشنگل نم دیینه فیه نیاره
شعر
(ایمان صادقی)
کُر وری بگر ودس برنو میونه
چشم کال دوهدری کردم دیونه
برنو وگل زنم سی بخت لیشم
قربونی سیت ایکنم بره ی زمیشم
مال گل بار کرده بی بهس سایه دار
سر داغ نیدنش وا بیمه بیمار
اشعار لری بختیاری ایمان صادقی